शुक्रबार, बैशाख १५, २०७४ साल
KTM: Sunny
logo

अधिकारसम्पन्न आयोगमार्फत सुन तस्करी छानबिन गरः समिति, प्रहरी नै सक्षम छः गृहमन्त्री

कर्पोरेट नेपाल २०७३ पौष २७ गते 1.53K

काठमाडौंः त्रिभुवन अन्तराष्ट्रिय विमान स्थलमा हालै ठूलो परिणाममा भएको अबैध सुन तस्करीको छानविन गर्न अधिकार सम्पन्न जाँचबुझ आयोग गठनका लागि संसदीय समितिले सरकारलाई निर्देशन दिएको छ । 

गत साता विमानस्थलको कडा सुरक्षा र जाँच पार गरेर ३३ किलो अवैध सुन तस्करीमा सरकारकै मन्त्रिहरुको संलग्नताको कुराहरु आएपछि समितिले अधिकारसम्पन्न जाँचबुझ आयोग गठन गर्न संसदको अर्थसमितिले निर्देशन दिएको हो । 

सुन तस्करीमा संलग्न गिरोह एवं व्यक्तिहरुको बारेमा तत्काल छानविन गरी त्यस्ता व्यक्तिहरुलाई संगठित अपराध अन्तर्गत कडाभन्दा कडा कारवाही गर्न तथा सोे कार्यमा संलग्न र सहयोग पुर्याउने कर्मचारीहरुलाई विभागिय र अन्य आवश्यक कारवाही गर्न समितिले निर्देशन दिएको छ । 

त्रिभुवन अन्तराषर््िट्रय विमानस्थलबाट प्रस्थान गर्ने यात्रुहरुको मात्र प्रहरी चेक जाँच हुने र आगमनमा प्रहरीद्वारा कुनै पनि चेकजाँच नहुने भएकोले विमानस्थलमा पर्याप्त र भरपर्दो चकेजाँचको व्यवस्था मिलाउन पनि भनिएको छ । प्रहरीले सुन तस्करी हुनुमा आफूहरुलाई चेक जाँचको अनुमति नदिनु प्रमुख कारण हो भन्दै भन्सार कार्यालयलाई दोषी ठहर्याएकाले समितिले त्यस्तो निर्देशन दिएको हो । 

त्रिभुवन विमानस्थलमा हुने राजश्व चुहावट र चोरी निकासी नियन्त्रणका लागि क्षमता अभिबृद्धि गर्न, विमानस्थलमा रहने सरकारी निकायहरुबीच प्रभावकारी समन्वयको व्यवस्था गर्न, सबै निकायको भूमिका स्पष्ट गर्न र आधुनिक चेकजाँच मेशिनसहित विमानस्थलको सुरक्षा प्रणालीलाई सशक्त बनाउँदै विमानस्थलको आधुनिकीकरणको काम तीब्ररुपमा अघि बढाउन पनि सरकारलाई निर्देशन दिइएको छ । 

समितिको बैठकमा बोल्दै गृहमन्त्री विमलेन्द्र निधिले ३३ किलो सुन प्रकरणको गोप्य अंगले अनुसन्धान जरुरी रहेको भन्दै नत्र तस्करहरु उम्कनसक्ने तर्क गरे । छलफल धेरै गरेर सुन तस्करीको अनुसन्धानलाई कमजोर बनाउन नहुने उनको भनाई थियो ।

मन्त्री निधिले सुन तस्करीको अनुसन्धान गर्न नेपाल प्रहरीको अनुसन्धान ब्यूरो आफै सक्षम रहेको भन्दै छानबिन समिति अनुसन्धान गर्नभन्दा पनि प्रचारमा बढि रमाउने गरेको विगतका अनुभव रहेकोले त्यसमा जान नहुने बताए । 

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

Copyrights © 2017 Bizcare Nepal Pvt. Ltd.

Friday, Apr 28, 2017