त्रिशुलीले ३७ करोड पाँच लाख बराबरको आइपीओ निष्काशन गर्ने

,   ३० फाल्गुन २०७५, बिहीबार, ११:२० am   
ipo

काठमाडौं। त्रिशुली जलविद्युत कम्पनीले ‘जनताको जलविद्युत कार्यक्रम’ अन्तर्गत ३७ करोड पाँच लाख रुपियाँ बराबरको आइपीओ निष्काशन गर्ने भएको छ।  कम्पनीले ३७ लाख ५ हजार कित्ता आइपीओ बिक्री गर्न धितोपत्र बोर्डसँग अनुमति मागेको हो   ।

जनताको जलविद्युत कार्यक्रमले यहि चैतदेखि सेयर जारी गर्ने बताएको थियो जसमा बोर्डबाट अनुमति माग्ने पहिलो कम्पनीमा त्रिशुली परेको छ।  त्रिशुलीको आइपीओमा ग्लोबल आइएमई क्यापिटलले बिक्री प्रबन्धकको काम गर्नेछ ।

त्रिशुली जलविद्युत आयोजनाको कुल क्षमता ३७ मेगावाट रहेको छ । सरकारले जनताको जलविद्युत कार्यक्रम अन्तर्गत ६ खर्ब ९५ अर्ब ८० करोड रुपियाँको लागतमा १९ वटा आयोजना निर्माण गर्ने लक्ष्य लिएको छ । यी आयोजनाहरुबाट कुल एक खर्ब दुई अर्ब २८ करोड रुपियाँ बराबरको सेयर सर्वसाधारणलाई जारी हुनेछ ।

aecc