काठमाडौं । सिद्धार्थ बैंकले दमौली शाखाको औपचारिक स्थानान्तरण उद्घाटन भएको छ । बैंकको दमौली शाखाको उद्घाटन व्यास नगरपालिकाका मेयर बैकुण्ठनाथ न्यौपाने र उद्योग वाणिज्य महासंघ नेपालका केन्द्रीय सदस्य देवकुमार श्रेष्ठबाट संयुक्त रूपमा भएका छन्।
बैंकले सो शाखा दमौली वडा नं २ सफा सडकबाट हालै दमौली व्यास नगरपालिका वडा नं ३ मा स्थानान्तरण गरेको हो । ग्राहकवर्ग र सरोकार वालाहरुको मन जित्न र थप सुविधा पुर्याउन बैंकले विभिन्न बचत खाता सञ्चालनमा ल्याउनुका साथसाथै विभिन्न सहुलियतपूर्ण कर्जाप्रदान गर्दै आइरहेको छ ।
यसैगरी बैंकिङ्ग प्रणालीलाई थप प्रविधि मैत्री बनाउन सिद्धार्थ बैंकले इन्टरनेटको माध्यमबाट आफ्नो रोजाइको बचत खाताखोल्न सकिने सुविधा ल्याएको छ जसले गर्दा ग्राहकहरुलाई थप सुविधा पुग्ने बैंकले जनाएको छ ।
बैंकले देशभर १४९ वटा शाखा ४ एक्स्टेन्सन् काउन्टरसहित १सय शाखारहित बैंकिङ् सेवा, १६० एटिएम र १२ सयभन्दा बढी पिओएस् मेसिन मार्फत् उच्चस्तरिय बैंकिङ सेवा प्रदान गर्दै आएको जारी प्रेस विज्ञप्तीमा उल्लेख छ ।
