धरानमा डेंगुको महामारी

,   १७ जेष्ठ २०७६, शुक्रबार, ०१:२२ pm   
Dengue

काठमाडौँ । धरानस्थित वीपी कोइराला स्वास्थ्य विज्ञान प्रतिष्ठानमा डेंगुका बिरामी बढेका छन्। तीन सातायता ५० बिरामीले उपचार गराइरहेको प्रतिष्ठानले जनाएको छ।

धरान उपमहानगरपालिकाका अनुसार पछिल्लो समयमा फेला परेका संक्रमित धरान–८ र १५ का छन्। डेंगु नियन्त्रणका लागि उपमहानगरको पहलमा ‘¥यापिड रेस्पोन्स टिम’ बनाएको छ। प्रतिष्ठानका स्कूल अफ पब्लिक हेल्थ तथा कम्युनिटी मेडिसिनका एसोसिएट प्रोफेसर डा। विजयकुमार खनाल संयोजक, सहसंयोजक धरान उपमहानगरपालिकाका स्वास्थ्य शाखाका प्रमुख रामबाबु यादव, प्रतिष्ठानका डा। प्रज्वल प्याकुरेल, डा। सोनाइ चौधरी, डा। लोकबहादुर श्रेष्ठ, डा। जितेन्द्र ठाकुर, डा। रोशन क्षेत्री, जितेन्द्र यादव, प्रतिष्ठानको सामान्य प्रशासन विभागका अधिकृत महेश्वर राई र स्वयंसेविकालगायतको टिमले धरानमा फैलिएको डेंगुबारे अध्ययन गरिरहेको छ।

डेंगु ‘भाइरस’ फैलाउने मच्छर खेदाउन उपमहानगरले अल्फा साइफर मेथ्रिन छर्ने काम गरेको थियो। तर स्थलगतरूपमै डेंगुको सङ्क्रमित खोज्ने, भाइरस सर्नुको कारणसँगै नियन्त्रणको उपाय, जनचेतना फैलाउने तथा थप अनुसन्धान आवश्यक भएकाले स्थलगतरूपमै अध्ययन शुरु गरिएको प्रतिष्ठानका अस्पताल निर्देशक डा। गौरीशंकर साहले जानकारी दिए।

aecc

धरान–१५ बाझगरा क्षेत्रमा सबैभन्दा बढी ४१ मा र धरान १३, ९, ८ वडामा बढी बिरामी देखिएका छन्। वीपी प्रतिष्ठानको आवास क्षेत्रमा पनि दुई जनामा डेंगु सङ्क्रमण देखिएको ¥यापिड रेस्पोन्स टिमका सदस्य महेश्वर राईले जानकारी दिए।