काठमाडौं । सबैको लघुवित्त वित्तीय संस्थाले साधारण सेयर (आइपीओ) आज बुधबार (साउन १) गतेदेखि निष्काशन खुल्ला गरेको छ । कम्पनीले प्रतिकित्ता एक सय रुपियाँ दरमा ५ करोड ३० लाख रुपियाँ बराबरको ५ लाख ३० हजार कित्ता प्रथामिक सेयर जारी गरेको हो।
एनआईबीएल एस क्यापिटल मार्फत निष्काशन भएको कूल ५ लाख ३० कित्ता सेयरमा ४ लाख ९५ हजार कित्ता सर्वसाधारणलाई, ८ हजार २ सय ५० कित्ता कम्पनीका कर्मचारीलाई र २६ हजार ५ सय कित्ता सामुहिक लगानी कोषलाई छुट्याईएको छ ।
कम्पनीले जारी गर्ने आईपीओलाई इक्रा नेपालले इक्रा एनपी आईपीओग्रेड ४ रेटिङ दिएको छ । जसले कम्पनीको वित्तीय अवस्था औसतभन्दा तल आधार रहेको बुझाउँछ।
लघुवित्तको यस सेयरमा आवेदकले न्यूनतम १० कित्तादेखि अधिकतम २ हजार कित्तासम्म आवेदन दिन सक्नेछन्। लघुवित्तको आईपीओमा धितोपत्र बोर्डबाट आश्वा अनुमति प्राप्त सम्पूर्ण बैंक तथा वित्तीय संस्थाको अलवा मेरो सेयर मार्फत साउन ५ गतेसम्म आवेदन गर्न सक्नेछन्।
आईपीओ बिक्रीपछि चुक्ता पूँजी १६ करोड ५० लाख रुपियाँ पुग्नेछ। संस्थापक तर्फको ७० प्रतिशत बराबरको ११ करोड २० लाख रुपियाँ भने चुक्ता भैसकेको छ।