काठमाडौं । भद्रगोलको निर्माता मिडिया हब प्राली र सक्किगो नी टिमबीचको विवाद सल्टिएको छ । दुबै टिमले आपसी समझदारीमा विवाद टुंगो लगाएका हुन् । हास्य टेलिसिरियल भद्रगोल र सक्किगो नीको प्रशारण नियमित हुनेछ ।
'कलाकार र सर्जकको मिडिया हब प्रालिले पनि सम्मान गर्ने र सर्जक कलाकारले पनि मिडिया हब प्रालिको योगदान र सहयोग लाई सम्मान गर्दै अगाडि बढ्ने प्रतिबद्धता जाहेर गर्दछौं ।', दुई पक्षबीचको सहमतिमा भनिएको छ ।
पछिल्लो समयमा उत्पन्न बिबादित विषय यहि टुंगिएको र आगामी दिनमा यो विषय दुबै पक्षले नउठाउने सहमती भएको जानकारी पनि उनीहरुले दिएका छन् ।