काठमाडौँ । रिलायन्स फाइनान्सले शेयरधनीहरुलाई नगद लाभांश दिने घोषणा गरेको छ ।
सञ्चालक समितिको बुधबार बसेको बैठकले आव २०७५/७६ को नाफाबाट हाल कायम चुक्ता पूँजीको ६.५८ प्रतिशत लाभांश प्रस्ताव गर्ने निर्णय गरेको हो ।
संस्थाको हाल कायम चुक्ता पूँजी ८३ करोड २४ लाख १६ हजार ६३ रुपियाँ रहेको छ । सञ्चालक समितिको निर्णय अनुसार ५ करोड ४७ लाख ६४ हजार २१४ रुपियाँ लाभांश प्रस्ताव गरिएको हो ।
राष्ट्र बैंकबाट स्वीकृति र संस्थाको आगामी साधारण सभाबाट पारित भएपछि लाभांश वितरण गरिने कम्पनी सचिव युजकुमार भैलले जनाएका छन् ।
