काठमाडौं । साताको पहिलो दिन आज आइतबार सेयर बजारमा भारी गिरावट आएको छ । आज सेयर बजार परिसुचक नेप्से २० दशमलव ७९ अंकले घटेर एक हजार २७६ दशमलव ७९ बिन्दु कायम भयो भने कारोबार रकम ९६ करोड ५० लाख रुपियाँ बराबरको भयो ।
आज धेरै कारोबार गर्नेमा डिप्रोक्स लघुवित्त वित्तीय संस्था रहेको छ । जसको कारोबार आठ करोड २६ लाख रुपियाँ बराबरको भएको छ । त्यसैगरी, दोस्रो धेरै कारोबार गर्नेमा नेपाल लाइफ इन्स्योरेन्स कम्पनी रहेको छ । जसको कारोबार छ करोड ४५ लाख रुपियाँ बराबरको भएको छ ।
त्यस्तै, आज ट्रेडिङ र निर्जीवन बीमा समूहको सूचक दुई प्रतिशतभन्दा धेरैले ओरालो लागेको छ भने आज अधिकाशं समूहको सूचकमा एक प्रतिशतभन्दा धेरैको गिरावटले सेयर बजार नै राताम्मे भएको छ ।
त्यसैगरी, आज धेरै फाइदा खानेमा जोशी हाइड्रोपावर डेभलपमेन्टका लगानीकर्ता रहेका छन् । कम्पनी तीन दशमलब १७ प्रतिशतले फाइदामा गएको छ । त्यसैगरी, धेरै घाटा व्यहोर्नेमा जानकी फाइनान्सका लगानीकर्ता रहेका छन् । कम्पनी आठ दशमलव ५५ प्रतिशतले घाटामा गएको छ ।
