काठमाडौं । प्रोभिडेन्ट मर्चेन्ट बैंकिङ लिमिटेडको छैठौं साधारणसभा कम्पनीको केन्द्रीय कार्यालय बालकुमारीमा सम्पन्न भएको छ ।
साधारण सभाले आर्थिक वर्ष २०७५/७६ को बार्षिक प्रतिवेदन र आर्थिक प्रतिवेदन पारित गरेको छ । कम्पनीले उद्देश्य मिल्ने अरु कम्पनीहरुसँग मर्जरमा जान संचालक समितिलाई अख्तियारी दिने निर्णय पनि साधारण सभाले गरेको जनाइएको छ ।
कम्पनीको चुक्तापूँजी ४ करोड १२ लाख रुपियाँ छ । यस्तै अधिकृत पूँजी १० करोड र जारी पूँजी ८ करोड रुपैयाँ छ । कम्पनीले पूँजी बृद्धि गर्न हाल कायम रहेका संस्थापक शेयरधनीहरूलाई हकप्रद सेयरका लागि आह्वान गरेको प्रबन्ध निर्देशक बिमल तिवारीले जानकारी दिए ।
कम्पनी गत आर्थिक बर्षमा १ लाख १९ हजार ४ सय रुपैयाँ नोक्सानमा छ । सेयर बजारको खस्कदो अबस्थामा समेत ठूलो नोक्सानी हुनबाट कम्पनीलाई जोगाउन सकेको प्रबन्ध निर्देशक तिवारीले बताए ।
उनले कम्पनीको ग्राहक संख्या र आम्दानी बढ्दो क्रममा रहेको बताउँदै आगामी बर्ष बुटवल, नारायणगढ र जनकपुरलगायतका सहरमा शाखा बिस्तार गर्ने जानकारी दिए ।
