काठमाडौं । कोरोना भाइरसले अमेरिकालाई निकै प्रभावित बनाएपछि काठमाडौंस्थित अमेरिकी दूतावासले डाइभर्सिटी भिसा (डीभी) र गैरआप्रवासी भिसा दिन बन्द गर्ने निर्णय गरेको छ ।
दूतावासले मंगलबारबाट लागू हुनेगरी भिसा अपोइन्टमेन्ट रद्द गर्ने निर्णय गरेको हो । यद्यपि दूतावासले कुनै आपतकालीन अवस्था छ भने तत्काल दूतावासमा सम्पर्क गर्न र दूतावासले तोकेको मापदण्डअनुसार आपतकालीन अपोइन्टमेन्टको लागि प्रक्रिया अघि बढाउन आग्रह गरेको छ ।
साथै, दूतावासले यसअघि बुझाएको एमआरभी शुल्क पछि मान्य हुने जानकारी दिँदै यसको प्रयोग एक वर्षभित्र जहाँ खरिद गरिएको हो, सोही मुलुकको भिसा आवेदनका लागि प्रयोग हुने बताएको छ । अमेरिकी दूतावासले अहिले रद्द भएको डीभी र गैरआप्रवासी भीसा रद्द गर्ने निर्णय छिटो सुरु गरिने जनाएको छ ।
