हिजो पर्यटन र वैदेशिक रोजगारीको आम्दानी हेरेर दलहरुले प्रदेशहरु त बनाए, अब कसरी चल्ला र ?

काठमाडौं । वरिष्ठ अधिवक्ता एवं नेपालका लागि नेपाली अभियानका एक अभियान्ता बालकृष्ण नेउपानेले वैदेशिक मुद्रा आम्दानीका प्रमुख दुई स्रोतहरु पर्यटन र वैदेशिक रोजगारी नै संकटमा परेपछि खर्चिलो संघीय व्यवस्था धान्न कठिनाई उत्पन्न हुनसक्ने अडकल गरेका छन् । एक अनलाइन च्यानलसँगको कुराकानीमा उनले त्यतिबेला पर्यटन र वैदेशिक रोजगारीको आम्दानी हेर्दै प्रदेशहरु बनाए पनि कोरोना महामारीका कारण सिर्जित आर्थिक संकटको परिस्थितिमा ती दुवै क्षेत्रको आम्दानी घटेपछि प्रदेशहरु धान्न राज्यलाई मुस्किल हुने तर्क अघि सारेका हुन् । उनी भन्छन्, ‘देशको आर्थिक अवस्था डामाडोतिर गएको छ । किनभने वैदेशिक रोजगारीबाट अब रेमिटान्स आउँदैन् । विदेशी मुद्रा आर्जन गर्ने अर्को ठूलो ठाउँ पर्यटन पनि सिद्धियो । अब २० देखि २५ लाख वैदेशिक रोजगारीबाट फिर्ता हुन्छन् । उनीहरुलाई खाने र रोजगारी छैन् । हिजो १०० रुपियाँ आम्दानी हुन्थ्यो भने अब १० रुपियाँमा झर्यो । यिनीहरु (दल)ले १०० रुपियाँ खर्च हुने संरचना बनाएका छन् । आठ वटा राष्ट्रपति, आठ वटा प्रधानमन्त्री, आठ वटा सभामुख, आठ वटा उपसभामुख, संवैधानिक अंगका प्रमुख । यस्तो महंगो संरचना धान्न सक्दैन देशले । नेउपानेले खर्च कम गरी मुलुकलाई आर्थिक संकटबाट जोगाउन प्रदेशहरुको खारेजी, सय जनाको मात्रै संसद र १० जनाको मन्त्री मन्त्रिमण्डल बनाउन उपयुक्त हुनेलगायतका सुझाव दिएका छन् ।थप कुराहरु भिडियोमाः