स्वास्थ्य र कृषिलाई बजेटमा प्राथमिकता देउः साँसद, अर्थमन्त्रीले आज जवाफ दिने

,   ३१ बैशाख २०७७, बुधबार, ०८:५२ am   
yubraj_khatiwada_corona

काठमाडौँ । सांसदहरूले आगामी वर्षको बजेटमा कोरोना जोखिमको असर न्यूनीकरणसँगै स्वास्थ्य र कृषि क्षेत्रलाई प्राथमिकता दिन सरकारलाई सुझाव दिएका छन् । स्वास्थ्य क्षेत्रको संरचनागत परिवर्तन आवश्यक रहेको सांसदहरूको सुझाव छ । स्वास्थ्यमा राज्यले लगानी बढाउनुपर्ने आवश्यकता कोरोना (कोभिड–१९) महामारीको पाठसमेत भएको उनीहरूको सुझाव छ । छलफलमा उठेका प्रश्नमा बुधबार अर्थमन्त्री युवराज खतिवडाले जवाफ दिनेछन् । प्री–बजेट छलफल सकिएसँगै जेठ २ गते सरकारको नीति तथा कार्यक्रम संसद्मा पेस हुनेछ ।
छलफलमा नेपाल कम्युनिस्ट पार्टी (नेकपा)का सांसद भीम रावलले बजेटमा कृषि र सुरक्षा क्षेत्रलाई प्राथमिकता दिनुपर्ने बताए ।
त्यसैगरी सांसद ज्ञानेन्द्रबहादुर कार्की, अनिलकुमार झा, प्रदीप यादव, राजेन्द्र लिङ्देन, दुर्गा पौडेल, राम कार्की, बालकृष्ण खाँड, रेनुका गुरुङ, प्रमोद साह, शशी श्रेष्ठ,अमृतादेवी अग्रहरि, उमेश श्रेष्ठ, कृष्णभक्त पोखरेल, नारायण खड्का, राजबहादुर बुढा, तेजुलाल चौधरी, झपट रावल, गगन थापा र रेखा शर्माले सुझाव दिएका थिए ।

गोरखापत्र दैनिकबाट ।

aecc