बिहीबार १३ बैशाख, २०८१ | Thursday Apr 25, 2024
काठमाडौँ । गरिमा विकास बैंकका ग्राहकहरुलाई ग्यालेक्सी हस्पिटल पोखरामा लाग्ने उपचार खर्चमा विशेष छुट दिने सम्झौता सम्पन्न भएको छ ।
उक्त सम्झौतामा गरिमा विकास बैंक लिमिटेडको तर्फबाट प्रमुख कार्यकारी अधिकृत गोविन्द प्रसाद ढकाल र ग्यालेक्सी हस्पिटलको तर्फबाट अध्यक्ष डा. हेमन्त मानन्धरले हस्ताक्षर गरेका हुन् ।
सम्झौतापश्चात गरिमा विकास बैंक लिमिटेडका कर्मचारी र कर्मचारिका परिवार, भिजा कार्डहोल्डर र मोवाईल बैंकिङ्गका प्रयोगकर्ताहरुले ग्यालेक्सीमा उपचार गराउँदा हस्पिटल कन्ज्युमेवल र फार्मेसी बाहेक अन्य सेवामा १२ प्रतिशत छुट प्राप्त गर्नेछन् ।
