काठमाडौँ । नेपाल फाइनान्स लिमिटेडको ८ वर्षको साधारण सभा एकै पटक हुने भएको छ । कम्पनी सञ्चालक समितिको आइतबार बसेको बैठकले असोज १० गते बिहान ११ बजे संस्थाको केन्द्रीय कार्यालय कमलादीमा साधारण सभा गर्ने निर्णय गरेको प्रबन्धक तथा कम्पनी सचिव सागर प्रजापतिले जनाएका छन् ।
यसअघि भदौ ११ गते २०औँ देखि २७औँ सम्मको वार्षिक साधारण सभा गर्ने निर्णय गरिएको भएपनि उपत्यकामा निषेधाज्ञा आदेश जारी रहेकाले स्थगित गरिएको थियो ।
नेपाल राष्ट्र बैंकले समस्याग्रस्त वित्तीय संस्थाबाट फुकुवा गरेपछि ८ वर्षको वार्षिक साधारण सभा एकै पटक सम्पन्न गर्न लागिएको प्रमुख कार्यकारी अधिकृत उद्धवराज थपलियाले जनाएका छन् । साधारण सभा भर्चुअल(वेवीनार) माध्यमबाट सम्पन्न गर्न लागिएको हो ।
साधारण सभामा १७५ प्रतिशत हकप्रद शेयर निष्काशन, उपयुक्त बैंक तथा वित्तीय संस्थासँग गाभ्ने÷गाभिने प्रक्रिया अघि बढाउन सञ्चालक समितिलाई अख्तियारी दिने प्रस्ताव माथि छलफल हुने जनाइएको छ ।
साधारण सभा प्रयोजनका लागि साउन २६ गते नै बुक क्लोज भइसकेको छ ।
तलका लिंक पनि क्लिक गर्नुहोस्ः