काठमाडौं । चीनले नेपाली भूमि मिचेको भन्दै चिनियाँ दूतावासअगाडि एउटा समूहले विरोध प्रदर्शन गरेको छ ।
प्रदर्शनमा उत्रिएकाहरुले ‘ब्याक अफ चाईना’को नारा लगाउँदै चिनियाँ अतिक्रमण बन्द गर्न माग गरेको थियो । उनीहरुले मिचिएको नेपाली भूमि फिर्ता गर, पूरानो सन्धी लागु गर, सीमा नाका खुल्ला गर र भन्सारमा रोकिएका सामानहरु खुल्ला गर जस्ता नारा लगाएका थिए ।
प्रदर्शनमा प्रहरीलाई हस्तक्षेप गरी ब्यानर खोस्नुका साथै प्रदर्शनकारीलाई धपाएको थियो ।