शनिबार ८ बैशाख, २०८१ | Saturday Apr 20, 2024
काठमाडौं । सानिमा जनरल इन्स्योरेन्सले विक्रीमा ल्याएको आईपीओमा शुक्रवारसम्ममा करीब छ गुणा आवेदन परेको छ।
विक्री प्रबन्धक एनआईसी एशिया क्यापिटलका अनुसार शुक्रवार साँझसम्ममा उक्र कम्पनीको आईपीओमा ७ लाख ४४ हजार ४९१ जना आवेदकले रू. १ अर्ब ६२ करोड ३६ लाख ५५ हजार बराबरको १ करोड ६२ लाख ३६ हजार ५५० कित्ता शेयरका लागि आवेदन दिएका छन् ।
कम्पनीले सर्वसाधारणका लागि जारी गरेको कुल शेयरमध्ये ५ दशमलव ९४ गुणा धेरै हो।
कम्पनीले निष्काशन गरेको कुल शेयरमध्ये १ लाख २० हजार कित्ता कम्पनीका कर्मचारी र १ लाख ५० हजार कित्ता म्युचुअल फण्ड, बाँकी २७ लाख ३० हजार कित्ता शेयर सर्वसाधारणका लागि छुट्याएको छ ।
कम्पनीले सर्वसाधारणका लागि जारी गरेको शेयरमा मागमा करीब छ गुणा बढी आवेदन परिसकेकोले उक्त आईपीओको विक्री अवधि असोज २५ गते नै समाप्त हुने भएको छ ।
आर्थिक अभियान दैनिकबाट ।
