काठमाडौँ । एशियन लाइफ इन्स्योरेन्स कम्पनीको प्रमुख कार्यकारी अधिकृतमा दिनेशलाल श्रेष्ठ नियुक्त भएका छन् ।
बुधबार बसेको सञ्चालक समितिको बैठकले रिक्त रहेको सीईओ पदमा माघ १ गतेदेखि लागु हुने गरी श्रेष्ठलाई नियुक्त गर्ने निर्णय भएको कम्पनी सचिव मुरारीराज हुमागार्इँले जनाएका छन् ।
गुहेश्वरी मर्चेन्ट एण्ड फाइनान्स लिमिटेडका सीईओ रहेका उनले पदबाट राजीनामा दिएका हुन् । माघ १ गतेदेखि लागु हुने गरी उनको राजीनामा स्वीकृत भए पछि उनलाई एशियन लाइफले सीईओमा नियुक्त गरेको हो ।
एशियन लाइफका सीईओ राजेशकुमार श्रेष्ठको पदावधि सकिएपछि एशियनमा सीईओ पद खाली थियो । उता गुहेश्वरीको सीईओमा माघ १ गतेदेखि लागु हुने गरी उनै राजेशकुमार श्रेष्ठलाई नियुक्त गर्ने निर्णय सोमबार मात्र भएको थियो ।