उदघाट्न–शिलान्यास अभियानः निर्माण नसकिँदै भैरहवा र पोखरा विमानस्थल उद्घाटन गरिँदै

Advertisement

प्रधानमन्त्री केपी शर्मा ओलीले दुई नयाँ विमानस्थलको शिलान्यास र निर्माण नै नसकिएका विमानस्थलको उद्घाटनको तयारी गरेका छन् । प्रधानमन्त्री ओलीले निर्माणकै चरणमा रहेका भैरहवामा निर्माणाधीन गौतम बुद्ध अन्तर्राष्ट्रिय विमानस्थल र पोखरा क्षेत्रीय अन्तर्राष्ट्रिय विमानस्थलको एकैसाथ उद्घाटन गर्न मातहतका निकायलाई निर्देशन दिएका हुन् । प्रधानमन्त्री ओलीले प्राविधिक रूपमा निर्माण सम्पन्न नहुँदै सम्भवतः आगामी १ वैशाखमा दुवै विमानस्थलको उद्घाटन गर्ने पर्यटन मन्त्रालय स्रोतले जानकारी दियो । 

प्रधानमन्त्री ओलीले ०७५ को असारमै आन्तरिक उडान गर्ने गरी दुवै अन्तर्राष्ट्रिय विमानस्थलको उद्घाटन गर्ने तयारी गरेका थिए । तर, नेपाल नागरिक उड्डयन प्राधिकरण तथा पर्यटन मन्त्रालयले त्यो सम्भव नहुने जनाएपछि सो काम रोकिएको थियो ।

Advertisement

प्राधिकरणका अनुसार गौतम बुद्ध विमानस्थलको काम ९३ प्रतिशत सम्पन्न भएको छ भने पोखराको काम ६६ प्रतिशत मात्रै सकिएको छ । गौतम बुद्धको प्राविधिक काम बाँकी नै छ । ‘पोखरा र भैरहवा विमानस्थल एकै दिन उद्घाटन गर्ने गरी छलफल चलाइएको छ, मन्त्रालय स्रोतले भन्यो । 

भैरहवा विमानस्थल आइसिपी–१ र आइसिपी–२ गरी दुई भागमा निर्माण कार्य जारी छ । आइसिपी–१ अन्तर्गतका अधिकांश कामहरू सम्पन्न भइसकेका छन् भने आइसिपी–२ अन्तर्गतका कामहरू केही बाँकी छन् । आइसिपी–१ अन्तर्गत धावनमार्ग, ट्याक्सी वे, टर्मिनल भवनलगायत संरचना निर्माण सम्पन्न भइसकेको छ । आइसिपी–२ अन्तर्गत हवाईजहाज, पाइलट र विमानस्थलबीचको समन्वयका लागि प्रविधि निर्माण रहेको छ ।

नयाँपत्रिका दैनिकबाट ।

Advertisement

Advertisement