शनिबार ८ बैशाख, २०८१ | Saturday Apr 20, 2024
काठमाडौं । कम तौल राखेर निर्माण सामग्री बिक्री गरेको भन्दै महानगरीय प्रहरी बालाजुले राजेश हार्डवयरका सञ्चालक कमल कुमार शर्मालाई पक्राउ गरेको छ ।
दुई–तीन जना उपभोक्ताले उजुरी गरेपछि आफूहरूले सोधपुछका लागि उनलाई चौकीमा ल्याएको महानगरी प्रहरी वृत्त बालाजुले जनाएको छ । अहिले पीडित र हाडवयर सञ्चालक दुवैलाई राखेर कुराकानी सुनेर छानविन भइरहेको उक्त वृत्तका एक प्रहरीले जानकारी दिए ।
पीडितका अनुसार राजेश हार्डवयरले बिक्री गर्दै आएको फलामे छडमा प्रतिकुन्टल १०–१५ किलो तौल कम हुने गरेकाले बाध्य भएर उजुरी गर्नुपरेको हो ।
राजेश हार्डवयर धेरै निर्माण सामग्री आपूर्ति गर्ने कम्पनीमा पर्दछ ।
