काठमाडौँ । एनएमबि बैंकले जेठ २ गतेदेखि २ अर्ब रुपियाँ बराबरको ऋणपत्र निष्काशन गर्ने भएको छ । बैंकले प्रतिइकाई १ हजार रुपियाँ दरमा २० लाख इकाई ऋणपत्र जारी गर्न लागेको हो ।
ऋणपत्रमा जेठ ५ गतेसम्म आवेदन दिन पाइनेछ । उक्त समयसम्म सबै ऋणपत्र बिक्री नभएमा भने जेठ १६ गतेसम्म खुला रहनेछ ।
बिक्री प्रबन्धक सिद्धार्थ बैंकका अनुसार कूल इकाई मध्ये १२ लाख इकाई बैंकले आफ्नै पहलमा अन्य संघसंस्थालाई बिक्री गर्ने भएको छ । बाँकी ८ लाख इकाई सर्वसाधारणका लागि खुला हुनेछ ।
उक्त ऋणपत्रमा न्यूनतम २५ इकाईदेखि अधिकतम ८ लाख इकाईसम्म आवेदन दिन सकिनेछ ।
एनएमबिले १० वर्ष अवधिको ‘एनएमबि ऋणपत्र ८.५०%- २०८७/८८’ जारी गर्न लागेको हो । यसमा वार्षिक ८.५ प्रतिशत ब्याजदर दिने बैंकले जानकारी दिएको छ ।