शुक्रबार ७ बैशाख, २०८१ | Friday Apr 19, 2024
काठमाडौँ । कर्मचारी सञ्चय कोषका प्रशासक तुलसी गौतमले आज पुनः कार्यभार सम्हालेका छन् ।
कोषका प्रशासक गौतमलाई कार्यकाल नसकिँदै अवकाश दिने सरकारको निर्णय कार्यान्वयन नगर्न सर्वोच्च अदालतले गत बिहीबार अल्पकालिन आदेश दिएपछि आजबाट पुनः कार्यभार सम्हालेका हुन् ।
मन्त्रिपरिषदको अघिल्लो साता सोमबार बसेको बैठकले उनलाई कालकाल नसकिँदै विना कारण अवकाश दिने निर्णय गरेको थियो । उक्त निर्णयविरुद्ध अदालत गएका गौतमको पक्षमा अदालतले अप्कालिन आदेश जारी गरेको हो ।
गौतमले कर्पोरेट नेपालसँगको कुराकानीमा आफू कुनै राजनीतिक आस्थाका आधारमा नभई खुल्ला प्रतिस्पर्धाबाट आएको र इमान्दारितापूर्वक कोषलाई सुधार गर्न कार्यरत रहँदाको अवस्थामा विना कारण अवकाश दिएर अपमान गरेको अनुभव भएकाले न्यायका लागि अदालत जानु परेको बताए ।
सरकारी सेवामा रहँदा विभिन्न निकायमा रहेर राम्रो कार्यक्षमता प्रस्तुत गरेका गौतमले कोषमा आएपछि पनि यसको सुधारका लागि राम्रो काम गरेका छन् । उत्कृष्ट कार्यक्षमताको मूल्यांकन गर्दै अर्थमन्त्रालयले उनलाई नगदसहित पुरस्कृत पनि गरेको थियो ।
