एक महिनामै वाणिज्य बैंकहरूको निक्षेप संकलन ७९ अर्ब घट्यो, ब्याजदर बढ्ने संकेत

काठमाडौं । एक महिनामै २७ वटा वाणिज्य बैंकबाट करिब ८० अर्ब रुपैयाँ निक्षेप घटेको देखिएको  छ । २७ वटा वाणिज्य बैंकसँग असार मसान्तसम्ममा ४२ खर्ब ४ अर्ब रुपियाँ रहेको निक्षप संकलन  साउन मसान्तसम्ममा आइपुग्दा ७९ अर्ब ३१ करोड रुपियाँले घटेको छ । साउनमा यस्तो निक्षेप ४१ खर्ब २५ अर्ब रुपियाँमा झरेको नपाल बैंकर्स संघले जारी गरेको तथ्यांमा उल्लेख छ ।

साउन महिनामा निक्षेप संकलन बढाउनेमा जम्मा १० वाणिज्य बैंक छन् भने बाँकी १७ वटाको बैंकको निक्षेप संकलन घटेको छ ।  साउनसम्ममा सबै भन्दा धेरै निक्षेप संकलन गर्नेमा सिटिजन्स बैंक  छ । सिटिजन्स बैंकले चार अर्ब २७ करोड रुपियाँ निक्षेप बढाउन सकोके छ ।

साउन महिनामा सबै भन्दा बढि निक्षेप संकलन राष्ट्रिय वाणिज्य बैंकको घटेको छ । यस बैंंकको साउनसम्मा २९ अर्ब रुपियाँ निक्षेप संकलन घटेको छ । यस अवधिसम्म आउदा सबै भन्दा धेरै निक्षेप संकलन घट्नेमा नेपाल बैंक दोस्रो स्थानमा रहेको छ । यस बैंकको निक्षेप संकलन यस अवभिसम्म आउदा १० अर्ब रुपियाँले घटेको संघले जनाएको छ । यस अवधिसम्म प्रभु बैंकको निक्षेप पनि नौ अर्ब रुपियाँले घटेको छ ।

कुन बैंकको निक्षेप संकलन कति ?

ब्याजदर बढ्ने संकेत

साउन महिना यता बैंकहरुमा लगातार निक्षेप घटेको छ । बैंकहरुको निक्षेप घटेको र कर्जा बढेसँगै तरलताको अभाव हुँदै गएको छ । बैंकरहरुले असोजदेखि निक्षेप तथा कर्जाको ब्याजदर बढ्न सक्ने अनुमान लगाएका छन् । बैंकहरुले असोजमा लागु हुने ब्याजदरको विवरण भदौ मसान्तभित्रै सार्वजनिक गर्नुपर्छ । राष्ट्र बैंकले अघिल्लो महिनाको मसान्तमा नै पछिल्लो महिनामा लागू हुने बैंक ब्याजदर सार्वजनिक गर्नुपर्ने व्यवस्था गरेको छ । 

यसमा केही बैंकहरुले ब्याजदर बढाउन सक्ने राष्ट्र बैंकको अनुमान छ । अहिले राष्ट्र बैंकसंग लगभग २२ अर्ब रुपियाँ तरलता रहेको राष्ट्र बैंकका प्रवक्ता देवकुमार ढकाल बताउछन् । उनी भन्छन्, ‘अहिले निक्षेप संकलन घटेर कर्जा लगानी बढ्दा बैंकको तरलतामा दवाव परेको छ । यस्ले गर्दा बैंकहरुले आगामी महिनामा ब्याजदर नबढाउलान भन्न सकिन्न ।’