काठमाडौं । चालु आर्थिक वर्षका २०७८/८९ को पहिलो महिनामा विकास बैंकहरूले ६६ करोड ३६ लाख रुपियाँ नाफा आर्जन गरेका छन् । जसमा सबैभन्दा धेरै नाफा कमाउन सफल मुक्तिनाथ विकास बैंक रहेको छ ।
नेपाल राष्ट्र बैंकको तथ्यांकअनुसार मुक्तिनाथले गएको साउन महिनामा छ वटा बाणिज्य बैंकहरूलाई पछि पार्दै खुद नाफा आर्जन गर्न सफल भएको छ । साउनमा यो विकास बैंकले १४ करोड १४ लाख रुपियाँ खुद नाफा गरेको छ जुन राष्ट्रिय वाणिज्य बैंक, सेञ्चुरी बैंक, बैंक अफ काठमाण्डू, सिभिल र हिमालयन बैंकले सोही महिनामा गरेको खुद नाफाभन्दा धेरै हो ।
साउनमा सबैभन्दा थोरै नाफा कमाउने बैंक सिन्धु विकास बैंक रहेको छ । यो बैंकले यस महिनामा २२ लाख रुपियाँ नाफा कमाएको छ ।
कुन विकास बैंकले कति नाफा कमाए ?
गएको महिनामा ज्योति विकास बैंकले नौं करोड ६७ लाख रुपियाँ नाफा आर्जन गरेको छ । ज्योतिको यो नाफा मुक्तिनाथपछिको धेरै हो ।
सबै भन्दा धेरै नाफा कमाउने तेस्रो विकास बैंकमा साईन रेसूङ्गा विकास बैंक रहेको छ । यस बैंकले आठ करोड सात लाख रुपियाँ नाफा कमाएको छ । यस्तै, महालक्ष्मी विकास बैंकले छ करोड ९५ लाख रुपियाँ नाफा आर्जन गरेको छ ।
विकास बैंकको नाफा रु लाखमा
Bank name | Profit |
Muktinath | 1415 |
Jyoti | 967 |
Shine Resunga | 807 |
Mahalxmi | 695 |
Kamana | 658 |
Lumbini | 645 |
Garima | 645 |
Shangrila | 359 |
Excel development | 168 |
Miteri development | 95 |
Karnali | 62 |
Saptakoshi | 61 |
Green development | 37 |
Sindhu bikas | 22 |
Narayani | 0 |
Corporate | 0 |
Sahara | 0 |
Salapa | 0 |
Total Profit | 6636 |