काठमाडौं । शनिबार पनि रियल टायम ग्रस सेटलमेन्ट (आरटीजीएस) प्रणाली नियमित सञ्चालन हुने भएको छ ।
राष्ट्र बैंकले विकास ऋणपत्र २०८० ‘क’ को ब्याज भुक्तानी प्रयोजनको लागि बैंक तथा वित्तीय संस्थाहरुलाई यो प्रणाली सञ्चालन राख्न निर्देशन दिएको हो ।
शनिबार बिहान १० बजेदेखि १२ बजेसम्म आरटीजीएस प्रणाली सञ्चालन राख्नुपर्नेछ । यो प्रणालीमार्फत चेक नकाटी सीधै एक बैंकको खाताबाट अर्को बैंकको खातामा भुक्तानी गर्न सकिन्छ ।