आज (मंसिर २१)को राशिफलः तपाईंको पेशा, व्यवसाय, शेयर कारोबार कस्तो रहला ?

आज २०७८ साल मंसिर महिनाको २१ गते मंगलबार, मंसिर शुक्लपक्षको तृतीया तिथि, उप्रान्त चतुर्थी तिथि रहेको छ । आज अन्तर्राष्ट्रिय नागरिक उड्डयन दिवस रहेको छ ।

मेष 
पैतृक सम्पत्ति तथा आफुले कमाएर सञ्चित गरेको धनमा समस्या उत्पन्न हुने छ । यसलाई लिएर द्वन्द चर्किन पुग्ने छ । भाग्यहिनताको महशुस भइरहने छ । दुविधात्मक व्यक्तित्व हुने भएकाले अरुले अन्यौलग्रस्त छवि महशुस गर्ने छन् । पेशागत जीवनमा उतारचढाव देखा पर्ने छ । आम्दानीमा हुने बृद्धिले केही राहत प्रदान गर्नेछ । शेयर क्षेत्र सकारात्मक रहने छ । 

वृष
बौद्धिक व्यक्तित्व हुने छ । पेशागत जीवनमा अनपेक्षित समस्याहरु देखा पर्न जाने छन् । धेरै जोखिमपूर्ण लगानीका निर्णयहरु नलिँदा उपयुक्त हुने देखिन्छ । दुविधात्मक व्यक्तित्व हुने भएकाले अरुले भरोषा गर्ने छैनन् । प्रतिष्पर्धीहरुसँग जुध्न मानसिक रुपमा तयार रहेता पनि शारीरिक रुपमा कठिनाई आउन जाँदा मनोबलको कमजोर बन्ने छ । शेयर बजार औसत खालको हुने छ ।

मिथुन 
दृढ खाले ब्यक्तित्व हुने भएकाले कसैले पनि हेप्न सक्ने छैनन् । जीवनसाथिको शारीरिक स्वास्थ्य अवस्थाको चुनौतिले केही कठिनाई उत्पन्न गराउने छ । साझेदारीमा गरिएका काममा समस्या देखा पर्ने छ । यौन जीवनसँग सम्बन्धित विषयमा संयमित रहनु होला । पेशागत जीवनमा अस्थिरता आउने छ । शेयर क्षेत्र केही अनुकुलतातर्फ ढल्कने छ ।

कर्कट
मनोबल कमजोर बन्ने छ । पारीवारिक सदस्यहरुका बीच द्वन्द देखा पर्दा मानसिक दबाब सृजना हुन पुग्ने छ । समय धैर्य भएर अघि बढ्नु पर्ने खालको छ । पेशागत जीवनमा धेरै जुध्नु पर्ने समय सक्रिय रहेकाले संयमतापूर्वक अघि बढ्नु उपयुक्त हुने छ । शारीरिक र मानसिक कमजोरीले गर्दा मनमा उत्साह र उमङ्गको कमि महशुस हुने छ । शारीरिक ब्यायाम, योगाभ्यास, ध्यान, जप, भजन श्रवण आदीमा मन लगाएमा राहत मिल्ने छ । शेयर बजार अनुकुल बन्ने छ । 

सिंह
समय संयमित भएर पाईला चाल्नु पर्ने समय सक्रिय छ । मनोवलको अभावले गर्दा भाग्यहिनताको अवस्था लाग्ने छ । प्रतिष्पर्धात्मक स्वाभावमा पनि कमि आउँदा प्रतिष्पर्धीहरुले हेप्ने र पेल्ने छन् । पेशागत क्षेत्रमा भने स्थिरता कायम रहने भएकाले यसबाट केही राहत मिल्ने छ । साझेदारीमा गरिएका काममा बिबाद देखा पर्ने छ । शेयर क्षेत्र भने सकारात्मक रहने छ । 

कन्या
भाग्यको साथ रहनाले आँटिलो स्वाभाव हुने भएकाले असजिलो परिस्थितिसँग जुध्न तागत आउने छ । धन सम्पत्तिका विषयमा लफडा मच्चिन जाने छ । पेशागत जीवनमा सोचे जस्तो अवस्था नआउने भएकाले चित्त बुझाउनु पर्ने छ । आम्दानीमा कमि आउँदा परिवारको आर्थिक सन्तुलनमा असन्तुलन पैदा हुने छ । शेयर क्षेत्र अनुकुल बन्न सक्ने छैन् । 

तुला
पेशागत जीवन स्थिर रहने छ । तर आम्दानीमा भने औसत समय चलिरहेको छ । आम्दानी बढाउनका लागि धेरै तनाव र दबाब नलिँदा ठिक हुने समय छ । साझेदारीमा गरिएका कामहरुमा बादबिबाद तथा असमझदारी आउने भएकाले संयमित रहनु होला । चुनौतिपूर्ण पेशामा आवद्धहरुले उच्च सतर्क रही कदमहरु चाल्नु पर्ने समय छ । शेयर क्षेत्रबाट लाभ प्राप्त हुने छ । 

वृश्चिक
समय प्रतिकुल चलिरहेकाले संयम रहनु नै बुद्धिमानी ठहरिने छ । शारीरिक र मानसिक रुपमा कमजोर व्यक्तित्व देखिने छ । पेशागत जीवन औसत रहने भए तापनि आम्दानीमा भने केही बृद्धि हुने छ । तर भाग्यको साथको अभावका कारण बाध्या ब्यवधानहरु एकपछि अर्काे सामना गर्दै अघि बढ्नु पर्ने छ । दाम्पत्य जीवनमा शान्त भएर व्यावहार गर्ने प्रयास गर्नु होला । शेयर बजार औसत प्रकृतिको रहने छ । 

धनु 
धेरै जोखिमपूर्ण भन्दा धैर्य भएर पाइला चाल्नु पर्ने समय छ । मानसिक हिसावले भने दृढ र संकल्पित व्यक्तित्व हुने छ । तर शारीरिक रुपमा कमजोरीहरु देखा पर्ने भएकाले मनोबलको कमि हुन जाने छ । दृढ ब्यक्तित्व नुहँदा अरुले हेप्ने र होच्याउने अवस्था आउने भएकाले यसबारेमा ध्यान दिनुहोला । पेशागत जीवनमा उचार चढाव देखा पर्ने भएकाले संयमित रहनु होला । शेयर बजारबाट भने लाभ मिल्ने छ । 

मकर 
व्यक्तिगत हिसावले शितल स्वाभाव चरित्र हुने भए पनि पारीवारिक जीवनमा भने असन्तोषको वातावरण उत्पन्न हुँदा चिटचिटाहट हुने छ । पारीवारिक जीवनमा झैझगडा र द्वन्दको अवस्थाबाट गुज्रनु पर्ने छ । भाग्यको साथ खासै नभएकाले संघर्षरत रहनु पर्ने बाध्यता आउने छ । जीवनसाथिको दरिलो साथले कठिनाईका बेला सन्तुलित बन्न निकै मद्धत पुग्ने छ । शेयर क्षेत्र भने फलदायी रहने छ । 

कुम्भ 
मेहनत र पराक्रम गर्नका लागि दृढता उत्पन्न हुने भए पनि शारीरिक स्वास्थ्यले यसमा बाधा उत्पन्न गराउने छ । परिवारप्रति समर्पित हुन मन लाग्ने छ । जस्तो परिस्थितिमा पनि दृढ खालेको व्यक्तित्व हुने भएकाले असजिलो अवस्थामा पनि निरन्तर अघि बढ्न भित्रि मनबाट उर्जा प्राप्त हुने छ । रिस नियन्त्रणमा भने ध्यान दिनु होला । पेशागत जीवन सकारात्मक रहने छ भने आम्दानीमा पनि बृद्धि हुने छ । शेयर बजार औसत खालको रहने छ । 

मीन
मानसिक पक्ष सवल हुने छ तर शारीरिक कमजोरी भने रहने भएकाले क्रियाशिलतामा केही शिथिलता निम्त्याउने छ । मनमा दृढता आउने भएकाले सँहालिन निकै मद्धत मिल्ने छ । आफन्तको साथ रहने छ । बोलीको प्रभावकारितामा ह्रास आउने भएकाले विचार पुर्याएर मात्र बोलीचालि गर्दा उचित हुने छ । पेशागत क्षेत्र धेरै अनुकुल नबने पनि प्रतिकुल पनि रहने छैन् । शेयर क्षेत्र सकारात्मक रहने छ । 

(गुरु पन्त ज्योतिषी, वास्तुविद्, रत्नविद् एवं हस्तरेखाविद् हुन् । सम्पर्क– ९८४१५२७५१०)