बिहीबार १३ बैशाख, २०८१ | Thursday Apr 25, 2024
काठमाडौँ । नेपाल राष्ट्र बैंकले कोरोना संक्रमण फैलँदै गएपछि स्वास्थ्य सतर्कता अपनाउन बैंक तथा वित्तीय संस्थालाई निर्देशन दिएको छ ।
बैंक तथा वित्तीय संस्था नियमन विभागले आज क, ख, ग र घ वर्गमा बैंक तथा वित्तीय संस्थाहरुलाई ४ बुँदे निर्देशन जारी गरेको हो ।
उक्त निर्देशनमा प्रत्यक्ष सम्पर्कमा आउने जनशक्ति तथा सेवाग्राहीमा संक्रमणको जोखिम न्यूनीकरण गर्न आवश्यक उपाय अवलम्बन गर्ने, भौतिक दूरी कायम हुने व्यवस्था मिलाउने, एटीएम बुथहरुको ढोला खुला राखी स्यानिटाइजरको व्यवस्था गर्न र बैठक, गोष्ठी, सेमिनार र तालिम जस्ता कार्यक्रममा भौतिक दूरी कायम गर्ने वा भर्चुअल माध्यमबाट गर्ने व्यवस्था मिलाउन निर्देशन दिइएको छ ।
