शनिबार ८ बैशाख, २०८१ | Saturday Apr 20, 2024
काठमाडौँ । विभिन्न चार कम्पनीको १ करोड ३४ लाख ९१ हजार ८ सय ८९ कित्ता बोनस शेयर नेपाल स्टक एक्सचेञ्ज लिमिटेड(नेप्से) मा सूचीकृत भएको छ । माछापुच्छ्रे बैंकसहित आशा, साधना र गुराँस लघुवित्त वित्तीय संस्थाको उक्त शेयर गत विहीबार नेप्सेमा सूचीकृत भएको हो ।
यसैक्रममा माछापुच्छ्रे बैंकले शेयरधनीहरुलाई प्रदान गरेको १३.३० प्रतिशत बोनस बापतको १ करोड २० लाख ४० हजार ६ सय १० कित्ता शेयर सूचीकृत भएको हो ।
त्यस्तै आशा लघुवित्तले शेयरधनीहरुलाई प्रदान गरेको २५ प्रतिशत बोनस बापतको ६ लाख ६७ हजार ८ सय २८ कित्ता शेयर पनि सूचीकृत भएको नेप्सेले जनाएको छ ।
त्यसैगरी साधना लघुवित्तले शेयरधनीहरुलाई प्रदान गरेको २५ प्रतिशत बोनस बापतको ६ लाख ४२ हजार ४ सय ५१ कित्ता शेयर पनि बिहीबार नै सूचीकृत भएको हो ।
नेप्सेका अनुसार गुराँस लघुवित्तले शेयरधनीहरुलाई प्रदान गरेको १ लाख ४१ हजार कित्ता शेयर पनि विहीबार सूचीकृत भएको छ ।
