काठमाडौं । नेपाल टेलिकमले शेयरधनीहरुलाई २० प्रतिशत बोनस शेयर र प्रतिशेयर रु. २० नगद लाभांश दिने घोषणा गरेको छ ।
आर्थिक वर्ष २०७७।७८ को नाफाबाट आफ्ना शेयर १०० कित्ता बराबर २० कित्ता बोनस शेयर र प्रति शेयर २० रूपियाँका दरले नगद लाभांश प्रस्ताव गर्ने निर्णय गरेको कम्पनी सचिव राजेन्द्र श्रेष्ठले जनाएका छन् ।
सञ्चालक समितिले सोमबार उक्त निर्णय गरेको हो । प्रस्तावित लाभांश अर्थमन्त्रालयबाट स्वीकृति पछि आगामी साधारण सभाले पारित गरे पछि शेयरधनीहरुले पाउने छन् ।
यसैबीच चैत २४ गते टेलिकमको १४ औं वार्षिक साधारण सभाको मिति तोकिएको छ । सो साधारण सभाले प्रस्तावित लाभांश बोनसलाई पारित गर्ने भएको हो ।
साधारण सभा प्रयोजनका लागि चैत ११ गतेदेखि १३ गतेसम्म बुक क्लोज गर्ने निर्णय भएको कम्पनी सचिव श्रेष्ठले बताए ।
बोनस शेयर पनि कम्पनीको चुक्ता पूँजी १८ अर्ब पुग्नेछ ।