काठमाडौं। चर्चित गायक राजु लामाले सर्वोच्च शिखर सगरमाथाको ६,५७४ मिटरको उचाइमा एकल कन्सर्ट गरेर विश्व कीर्तिमान राखेका छन्। जलवायु परिवर्तनको असरबारे सन्देश दिन उनले सगरमाथाको क्याम्प–२ र क्याम्प–३ बिचमा पुगेर एकल कन्सर्ट गरेर हुन् ।
लामाले कर्पोरेट नेपालसँग कुरा गर्दै ‘त्यति उचाइमा साङ्गीतिक कार्यक्रम गर्न सहज नभए पनि जलवायु परिवर्तनको सन्देश दिन आफूले क्याम्प–२ र क्याम्प–३ बिचमा ६,५७४ मिटरको उचाइमा पुगी कन्सर्ट गरेको बताए ।
उनले भने, ‘कन्सर्ट एकदम राम्रो भयो र अरु बेला गर्ने कन्सर्टहरुमध्य यो अनुभव फरक रहयो ।’ फरक भन्दा एक त चिसो, उचाइमा, अक्सिजन अलि कम, यहाँ सजिलो थिएन् । तर रमाइलो रह्यो ।’ जलवायु परिवर्तन र दैनिक जीवनमा विश्वभरी यसको प्रभावबारे सचेतनाको सन्देश दिन पाउँदा र हाम्रो अभियानलाई अगाडी बढाउन पाउँदा खुःसी लागेको गायक लामाले बताए।
उनले अप्रिल २८ तारिखका दिन एकल कन्सर्ट गरेका थिए । लामा अहिले सगरमाथा बेस क्याम्पमा रहेको बताए । उनले थपे, ‘मेरो सार्वजनिक नभएको गीत ‘हिमालले डाक्यो मलाई, पहाडले सम्झियो मलाई, त्यसैले त फकिए म आफ्नै नेपालमा, मेरो हिमालमा’ बोलको नयाँ गीत यहाँ गाएँ ।’
लामाले यो गीतमा आफूहरुले प्राकृति, आफ्नो संस्कृतिलाई जोगाउनुपर्छ, र जलवायु परिवर्तनको कुराहरुलाई पनि समिटेर बनाएको बताए । उनले मंगोलियन हार्ट ब्यान्डका चर्चित गीतहरू पनि गाएका थिए। लामाले आफ्नो एकल कन्सर्ट २५–३० मिनेटको रहेको जानकारी दिए ।
लामाले भने, ‘६५०० मिटरभन्दा माथिको उचाइमा गीत गाउन सजिलो छैन् । तर मलाई त्यहाँको पातलो हावा र चुनौती मन पर्यो।’ कार्बन उत्सर्जन घटाउन, पर्यटन प्रवर्द्धन गन र संगीत तथा हिमालको नातालाई गाडा बनाउन आफू सगरमाथा आरोहण गर्न लागेको उनले बताए । यसअघि लामाले लोबुचे पिकको सफल आरोहण गरेका थिए ।