शनिबार ८ बैशाख, २०८१ | Saturday Apr 20, 2024
काठमाडौं । एनआईसी एशिया बैंकको नायव प्रमुख कार्यकारी अधिकृत (डेपुटी सीईओ)मा सन्तोष राठी बढुवा भएका छन् । उनलाई साउन १ गतेबाट लागू हुनेगरी बढुवा गरिएको हो ।
सहायक सीईओको रुपमा काम गर्दै आएका राठीलाई बैंकले बढुवा गरेको हो । एनआईसी एशियालाई सफल बनाउन पर्दा पछाडि सक्रिय र महत्वपूर्ण भूमिका खेल्दै आएका राठीलाई उक्त बैंकको भावी सीईआको रुपमा समेत हेरिन्छ ।
कर्पोरेट नेपालसँगको कुराकानीमा उनले आफू बढुवा भएको स्वीकार गर्दै बैंकको जेठ ८ गते बसेको सञ्चालक समितिको बैठकले बढुवा गर्न निर्णय गरेको जानकारी दिए ।
उनी २०६४ मंसिर १९ देखि तत्कालीन बैंक अफ एशियाको विराटनगर शाखाको प्रबन्धकको रुपमा काम गर्दै आएका छन् । समग्र बैंक व्यवस्थापन, जोखिम व्यवस्थापन, मानव संशाधन व्यवस्थापन, व्यवसाय विस्तार तथा विविधिकरण लगायत विभिन्न रणनीतिक क्षेत्रमा दक्षता हासिल गरेका राठीसँग नेपालको बैंकिङ्ग क्षेत्रमा करिब २० वर्षको अनुभव छ । उनले वाणिज्यशास्त्रमा स्नातकोत्तरसम्मको अध्ययन गरेका छन् ।
