बिहीबार १३ बैशाख, २०८१ | Thursday Apr 25, 2024
काठमाडौँ। सिके राउतले नेतृत्वको जनमत पार्टीका कार्यकर्ताहरुले अमानवीय तरिकाले एक सरकारी कर्मचारीलाई ढलको हिलो दलेर नगर घुमाएका छन् ।
आन्दोलनको नाममा जनकारबाही गरिरहेको भन्दै राउतका कार्यकर्ताले नेपाल खानेपानी तथा संस्थान जनकपुरका निमित्त प्रमुख राजेश्वर कुशवाहलाई कार्यालयबाट निकालेर अर्धनग्न पारेर, हिलो दलेर नगर परिक्रमा गराएका हुन् ।
लगातारको वर्षाका कारण जनकपुरधाम जलमग्न भएको बेला पानीको निकास नभएपछि त्यसको दोष कुशवाहमाथि थोपरिएको हो । उनीमाथि अनियमितता गरेको आरोप समेत राउतका कार्यकर्ताले लगाएका छन् ।
राउतका कार्यकर्ताले लाठीसहित गुण्डागर्दी शैलीमा खानेपानी प्रमुखलाई जबरजस्ती सडकमा घिसार्दै नगरपरिक्रमा गराएका छन् । उनीहरुले कुशवाहलाई कुटपिट पनि गरेका थिए ।
