शुक्रबार ७ बैशाख, २०८१ | Friday Apr 19, 2024
काठमाडौं । जुवा खालबाट रंगेहात पक्राउ परेका नेपाली काँग्रेसका जिल्ला सभापति बर्मा लामालाई प्रहरी हिरासतमा राखी कानुनी कारवाही अघि बढाउनुपर्नेमा प्रहरीले अस्पताल लगेको छ ।
बिहीबार राति पक्राउ परेका उनलाई काँग्रेसका नेताहरुको दबाबमा उच्च रक्तचापको कारण देखाउँदै शुक्रबार अस्पताल भर्ना गरिएको खुलेको हो । लामा केही दिनअघि मात्रै दोलखाको जिल्ला सभापति चयन भएका थिए । जुवा खेलाउने सागर लामाको घरबाट लामासहित १८ जना छ लाख रुपियाँसहित पक्राउ परेका थिए ।
पक्राउ परेका लामासहितका व्यक्तिलाई प्रहरीले कानुनी कारवाही अघि बढाउने तयारी गरे पनि सत्तारुढ काँग्रेसका उच्च नेताको दबाबमा अत्तरखेलस्थित नेपाल मेडिकल कलेजमा भर्ना गरिएको छ । जुवा खेलाउने लामा फरार रहेको प्रहरीको भनाई छ ।
