काठमाडौं । सुरेशमान श्रेष्ठ नेपाल रत्न तथा आभुषण महासंघका नवनियुक्त अध्यक्ष हुन् । लामो समयदेखि सुनचाँदी व्यवसायमा आवद्ध उनी सरकारको नीतिदेखि खुशी छैनन् ।
नेपालमा सुनचाँदी व्यवसायको व्यवसायिक विकासका लागि सरकारी नीति व्यवसायमैत्री हुनुपर्ने श्रेष्ठको भनाई छ । उनले सुनचाँदी व्यवसायसम्वन्धी सरकारी नीति र नेपाल राष्ट्र बैकले तोकेको सुन खरीदको सीमामा संशोधन जरुरी रहेको भन्दै नेपाली गरहगना प्रवद्र्धन गरी निर्यात गर्ने भन्दा पनि नियन्त्रण गर्ने नीतिबाट आफूहरुले लामो समयदेखि समस्या भोग्नुपरेको बताए ।
कर्पोरेट नेपालसँगको कुराकानीमा श्रेष्ठले अन्य व्यवसायमा जस्तै सुनचाँदीमा पनि अफ सिजन हुने भन्दै तर सिजन सुरु भएको बेलामा सुनको माग पनि राम्रै हुने भएकाले सुन व्यवसायमा आकर्षण बढ्दो रहेको बताए ।
पछिल्लो समय जान्नेसुन्ने व्यक्तिहरु पनि रत्न तथा आभुषणको व्यापारमा लागेकाले यो क्षेत्र अझ फराकिलो बन्दै गएको उनको अनुभव छ । श्रेष्ठले अहिले सुनचाँदी व्यवसायीहरुको दुई वटा महासंघ रहेको र विगतमा एउटा मात्रै महासंघ हुँदा कामकारबाहीमा केही सुस्तता छाएकोले व्यवसायीले नेपाल रत्न तथा आभुषण महासंघ परिकल्पना गरेको बताए ।
लालजर्तीको हिसाव किताव र विश्वस्नीयताका कारण कहिले काहीं सुनचाँदीको मूल्यमा हेरफेर हुने कुरा श्रेष्ठले स्वीकार गरे । नेपालमा कालिगढको संख्या भूकम्प र कोरोना महामारीका कारण घटेको भन्दै उनले कालिगढलाई उसको कला र क्षमताको आधारमा मापन गर्नुपर्ने समय आइसकेको बताए ।
मुलुकमा आउने ठूला संकट सहयोग गर्न आफूहरुले समेत सहभागिता जनाउने गरेको श्रेष्ठले बताए । बाढी, भुईंचालो, आगलागीमा नागरिकलाई सामाजिक उत्तरदायित्व अन्तर्गत सहयोग गर्ने गरेको उनले उदाहरण दिए ।
अध्यष श्रेष्ठले सुनचाँदी व्यवसायमा कसैले इच्छा गरेर तस्करी गर्ने र कोही नजानिँदो पारामा फस्ने समस्या विद्यमान रहेकाले त्यसको समाधानमा सरकारले सहयोग गर्नुपर्ने बताए । सुनचाँदी व्यवसायले हजारौंलाई रोजगारी दिएको श्रेष्ठले बताए । साथै, उनले सुनचाँदीको कारोबारमा चेकजाँच गरेर मात्रै लिन सल्लाह पनि दिए । थप कुराकानी माथि भिडियोमा पनि हेर्न सकिन्छः