शनिबार ८ बैशाख, २०८१ | Saturday Apr 20, 2024
काठमाडौँ । दुई लघुवित्त वित्तीय संस्थामा नयाँ प्रमुख कार्यकारी अधिकृत (सीईओ) नियुक्त भएका छन् ।
यसैक्रममा सुनसरीमा केन्द्रीय कार्यालय रहेको फरवार्ड माइक्रोफाइनान्स लघुवित्त वित्तीय संस्थाको सीईओमा रामदयाल राजबंशी नियुक्त भएका छन् ।
सञ्चालक समितिको शनिबार बसेको बैठकले साउन १५ गतेबाट लागू हुने गरी राजबंशीलाई सीईओ पदमा नियुक्त गर्ने निर्णय गरेको कम्पनी सचिव कृष्णप्रसाद भट्टराईले जनाएका छन् ।
यता, केन्द्रीय कार्यालय कमलपोखरी काठमाडौँमा रहेको स्वावलम्बन लघुवित्तको सीईओमा नरेन्द्रसिंह विष्ट नियुक्त भएका छन् ।
सञ्चालक समितिको गत शुक्रबार बसेको बैठकले भोलि सोमबारदेखि लागू हुने गरी विष्टलाई ४ वर्षका लागि सीईओ पदमा नियुक्त गर्ने निर्णय गरेको कम्पनी सचिव अवधेशप्रसाद पन्तले बताए ।
