बुधबार १२ बैशाख, २०८१ | Wednesday Apr 24, 2024
काठमाडौँ । वाणिज्य बैंकहरुमा साउन महिनाको २० दिनमा कूल निक्षेप ९५ अर्ब रुपियाँ घट्दा कूल कर्जा लगानी ९ अर्ब रुपियाँ घटेको छ ।
नेपाल बैंकर्स संघले आज प्रकाशित गरेको तथ्याङ्क अनुसार साउन महिनाको साता ६३ अर्ब, दोस्रो साता २८ अर्ब र तेस्रो साता (साउन २० गते) सम्म कूल निक्षेप ४ अर्बले घटेर ४४ खर्ब ४६ अर्बमा झरेको हो ।
गत आव आव २०७८÷७९ को अन्तिम महिना असार मसान्तसम्म कूल निक्षेप ४५ खर्ब ४१ अर्ब रहेको थियो ।
त्यसैगरी कूल कर्जा लगानी गत साता २ अर्बले बढेर ४१ खर्ब ६६ अर्बमा उक्लिएको छ । साउन महिनाको पहिलो साता कूल लगानी १० अर्ब र दोस्रो साता १ अर्बले घटेको थियो ।
गत आवको अन्तिम महिना असार मसान्तसम्म कूल कर्जा लगानी ४१ खर्ब ७५ अर्ब पुगेको थियो ।
