मङ्गलबार ११ बैशाख, २०८१ | Tuesday Apr 23, 2024
काठमाडौँ । आइतबार पनि शेयर बजार घटेको छ ।
नेपाल स्टक एक्सचेञ्ज लिमिटेड –नेप्से) का अनुसार आज बजार २३.८३ अंकले तल झरेको हो । १.३० प्रतिशतले बजार घट्दा नेप्से परिसूचक १८१५.१३ अंकमा ओर्लिएको छ ।
आज २२८ कम्पनीका ४० लाख १४ हजार ४ सउय १९ कित्ता शेयर किनबेच हुँदा १ अर्ब ७ करोड २४ लाख ८० हजार ९७ रुपियाँ बराबरको कारोबार भएको हो ।
बजार तल झरेको दिन सबै समूह राताम्मे भएका छन् । सबैभन्दा बढी उत्पादनमूलक समूह ८४.४६ अंकले घटेको हो ।
समग्रमा बजार घटे पनि आज अभियान लघुवित्त वित्तीय संस्थाको शेयर मूल्य १० प्रतिशतले बढेको छ । आज २४ कम्पनीको मात्रै शेयर मूल्य बढेको हो । आज सबैभन्दा बढी तेह्रथुम पावरका लगानीकर्ताले ७.९० प्रतिशतले घाटा व्यहोरेका छन् ।
लक्ष्मी बैंकको उच्च कारोबार भएको छ । उक्त बैंकको २६ करोड २ लाख ५७ हजार ५ सय १८ रुपियाँ बराबरको कारोबार भएको नेप्सेले जनाएको छ ।
