सोमबार १३ चैत, २०७९ | Monday Mar 27, 2023
काठमाडौं । नेपाल पूर्वाधार विकास बैंक (निफ्रा)को शनिबार सम्पन्न चौंथो बार्षिक साधारणसभाले गत बर्षको मुनाफाबाट शेयरधनीलाई रु.९० करोड ९४ लाख ६८ हजार नगद लाभांस (लाभांस कर समेत) वितरणको प्रस्ताव पारित गरेको छ ।
बैंकले आफ्नो चुक्ता पुँजी ३१ अर्ब ६० करोड रुपियाँको चार दशमलव २१०५ प्रतिशत लाभांश वितरणको प्रस्ताव पारित गरेको हो । साथै, सभाले कम्पनीको प्रवन्धपत्र र नियमावली संशोधनको प्रस्ताव पनि पारित गरेको छ ।
स्वदेशी तथा विदेशी वित्त बजारबाट दीर्घकालिन स्रोत संकलन गरी मुलुकको पूर्वाधारका परियोजनाहरुमा लगानी गर्ने उद्देश्यका साथ स्थापित निफ्राले गएको असारसम्म ३२ अर्ब ८९ को कर्जा स्वीकृत गर्दै १५ अर्ब ५८ करोड कर्जा प्रवाह गरेर एक अर्ब २ करोड खुद मुनाफा आर्जन गरेको थियो ।
