भिभोद्वारा पाचौंँ वार्षिकोत्सवको अवसरमा आकर्षक उपहारहरुसहित सेल्स कार्निभल सुरु

काठमाडौं । विश्वव्यापी अग्रणी स्मार्टफोन ब्रान्ड भिभोले शुक्रबार नेपालमा आफ्नो पाँचौं वर्ष पूरा गरेको छ । नेपाली बजारमा आफ्नो बलियो उपस्थिति बनाउन सफल भएस्वरूप भिभो नेपालको यो कार्यक्रमको आयोजना गरेको हो । 

भिभोले आफूहरु नेपालमा पनि लोकप्रिय स्मार्टफोन ब्रान्डहरूमध्ये एक बन्न सफल भएको बताएको छ । वार्षिकोत्सवको उपलक्ष्यमा, भिभोले आफ्ना उपभोक्तलाई आभार प्रकट गर्न भन्दै आकर्षक उपहार तथा विशेष छुटसहित सेल्स कार्निभल शुरु गरेको हो ।

यसका लागि लक्की ड्र मा सहभागी हुन् ग्राहकहरुले भिभोदसाईं डटकम वा भिभोको सामाजिक सञ्जालमा भएको क्यूआर कोर्ड स्क्यान गरेर आवश्यक विवरण पेश गेरेपछि तत्कालै आफूलाई परेको पुरस्कार थाहा पाउन सक्नेछन् । 

पुरस्कार जित्नका साथै, ग्राहकहरूले कार्निभल अवधिभरि केही उत्कृष्ट स्मार्टफोनहरू अझ सुपथ मूल्यमा किन्न सक्छन् सक्ने भिभो नेपालले जनाएको छ । यसअन्तर्गत सेल्स कार्निभल अवधिका लागि वाई२१ (४+६४जीवी) को मूल्यमा रु. एक हजारले घटाइएको जनाइएको छ । 

त्यस्तै वाई१५एस र वाई१५सी को मूल्य रु. एक हजार पाँचसयले घटाइएको छ । यससँगै कार्निभल अवधिका लागि वाई२१, वाई१५एस र वाई१५सी को नयाँ मूल्य क्रमशः रु २१ ह्जार ९९९, रु १८ हजार ४९९ र रु. १६ हजार ४९९ कायम गरिएको छ । 

भिभो नेपालका प्रमुख कार्यकारी अधिकृत माइकले भिभो ‘मोर लोकल, मोर ग्लोबल’ अवधारणाबाट निर्देशित ब्रान्ड हो भन्दै यसले स्थानीय प्रतिभा, संस्कृति र उपभोक्ताका विकासशील प्राथमिकताहरूलाई सम्मान गर्ने बताएका छन् । यो ब्रान्डले हालै स्टाइलिश र परिष्कृत भी२५ सिरिज, लोकप्रिय वाई१६ र वाई२२एस, साथै वाई३५ सहित धेरै उल्लेखनीय र शक्तिशाली उपकरणहरू लन्च गरेको छ, जसले यस क्षेत्रमा उत्कृष्ट सफलता हासिल गरेको छ । 

यसका अतिरिक्त, भिभोले प्रयोगकर्ताहरूलाई सम्भव भएसम्मको उत्कृष्ट अनुभव सुनिश्चित गर्न विभिन्न पहल र सेवाहरू पनि प्रदान गर्छ । साथै, भिभोले प्रत्येक महिनाको २७ देखि २९ तारिखसम्म ‘भिभो सर्भिस डे’ संचालन गर्दछ जहाँ ग्राहकहरूलाई सर्भिसिङ र क्लिनिङ, सिस्टम रिकभरी र सफ्टवेयर अपग्रेड, १–घण्टा फ्ल्यास मर्मत, शून्य श्रम लागतमा मर्मत, प्रोटेक्टिभ फिल्म जस्ता सेवाहरू निःशुल्क उपलब्ध हुन्छ ।