सानिमा बैंकको शैक्षिक कर्जा प्रमाणीकरण अब क्यूआर कोडबाटै

Advertisement

काठमाडौं । सानिमा बैंकले क्यूआर कोडबाटै शैक्षिक कर्जा स्वीकृति पत्र प्रयोगमा ल्याएको छ । 

विदेशी शैक्षिक संस्थामा अध्ययन गर्न जाँदा विद्यार्थीहरुले लिने शैक्षिक कर्जाको प्रमाणीकरण बैंकले विभिन्न निकायहरुमा गर्नुपर्ने हुन्छ । यो प्रकृयालाई सरल र छिटो गर्ने उद्देश्यले क्यूआर कोडसहितको कर्जा स्वीकृति पत्र बैंकले ल्याएको छ ।

Advertisement

हाल कर्जा स्वीकृति पत्रको प्रमाणीकरण विभिन्न निकायहरुबाट पटक पटक फोन वा इमेल मार्फत हुँदै आएकोमा अब कर्जा स्वीकृती पत्रमा क्यूआर कोड स्क्यान गरी बैंकको आधिकारिक वेबसाइट मार्फत् विश्वको कुनै पनि स्थानबाट केही क्षणमा नै कर्जा प्रमाणित गर्न सकिनेछ । यो प्रविधिले विद्यार्थीको भिसा प्रक्रिया सरल र छिटो गर्न पनि सहयोग मिल्नेछ । 

सानिमा शैक्षिक कर्जा बैंकका सबै शाखाहरुबाट उपलब्ध हुनेछ । बैंकले अधिकतम रु.१ करोडसम्म आकर्षक ब्याजदरमा १५ वर्षसम्मको कर्जा प्रदान गरेको छ । 

Advertisement

बैंकको सातै प्रदेशमा १३० वटा कार्यालयहरु र १२३ वटा एटिएम सञ्जालहरु रहेका छन् ।