काठमाडौं । विन नेपाल लघुवित्त वित्तीय संस्था लिमिटेडले एफपीओ निष्काशन गर्ने भएको छ ।
प्रति शेयर अंकित मूल्य रु. १००/– अंकित दरका ५१,२९३ कित्ता साधारण शेयर अंकित मूल्यमा प्रिमियम थप गरी थप सार्वजनिक निष्काशन (एफपीओ) निष्काशन गर्न लागेको हो ।
यसैबीच एफपीओ निष्काशनका लागि नेपाल एसबिआई मर्चेण्ट बैकिङ लिमिटेडलाई निष्काशन तथा बिक्री प्रबन्धकमा नियुक्त गरिएको छ ।
नेपाल एसबिआई मर्चेण्टको कार्यालय हात्तिसार, काठमाडौंमा आज आयोजित कार्यक्रममा नेपाल एसबिआई मर्चेण्टका प्रमुख कार्यकारी अधिकृत देवराज अधिकारी र विन नेपाल लघुवित्तका प्रमुख कार्यकारी अधिकृत वसन्तबहादुर शाक्यले सम्झौतापत्रमा हस्ताक्षर गरेका छन् ।