काठमाडौं । चिलिमे जलविद्युत कम्पनीले शेयरधनीहरुलाई १५ प्रतिशत लाभांश दिने घोषणा गरेको छ ।
सञ्चालक समितिको हिजो दिउँसो बसेको बैठकले आब २०७८÷७९ को नाफाबाट हाल कायम चुक्ता पूँजीको ७.५ प्रतिशत नगद लाभांश र ७.५ प्रतिशत बोनस शेयर प्रस्ताव गर्ने निर्णय गरेको कम्पनी सचिव नारायणप्रसाद आचार्यले जनाएका छन् ।
कम्पनीको हाल कायम चुक्ता पूँजी ६ अर्ब ७५ करोड १७ लाख ९४ हजार ६ सय ७५.२३ रुपियाँ छ ।
यसैबीच सञ्चालक समितिले प्रस्ताव गरेको लाभांश पारित गर्न पुस २२ गते वार्षिक साधारण सभाको मिति समेत तय भएको छ ।
साधारण सभा प्रयोजनका लागि पुस ३ गते बुक क्लोज गर्ने निर्णय भएको कम्पनी सचिव आचार्यले जनाएका छन् ।