बिहीबार ६ बैशाख, २०८१ | Thursday Apr 18, 2024
काठमाडौं । पर्साको वीरगञ्ज स्थित हिमाल वाटरपार्क एण्ड भिलेज होटल प्रालिले साधारण शेयर (आईपीओ) निष्काशन गर्ने भएको छ ।
आईपीओ निष्काशनका लागि एनआईबिएल एस क्यापिटल लिमिटेड र हिमाल वाटरपार्क एण्ड भिलेज होटल प्राइभेट लिमिटेडबीच आईपीओ निष्काशन गर्ने सम्झौतामा हस्ताक्षर भएको छ ।
क्यापिटल र रिसोर्टबिच संस्थागत परामर्श सेवा अन्तगर्त रोडम्याप फर आइपिवो सम्झौतामा हस्ताक्षर भएको हो ।
उक्त सम्झौतामा क्यापिटलका तर्फबाट नायव महाप्रबन्धक सचिन्द्र ढुङ्गाना तथा रिसोर्टका तर्फबाट निर्देशक सुनिलकुमार खेतानले हस्ताक्षर गरेका छन् ।
होटलको स्थापना वीरगञ्जका उद्यमी तथा कम्पनीका निर्देशक सुनिलकुमार खेतानले गरेका हुन् । यस होटलको संरचना १२२,४३०.४८ वर्ग फिटमा फैलिएको छ ।
हिमाल वाटरपार्क एण्ड भिलेज होटल प्राइभेट लिमिटेड (क्लार्क रिसोर्ट, बिरगञ्ज) भारतको एक प्रसिद्ध होटल ब्रान्ड क्लार्क रिसोर्टको पहिलो अन्तराष्ट्रिय होटल चेन हो । क्लार्क रिसोर्टले भारतको जयपुर लखनऊ र आग्रामामा पनि विभिन्न होटलहरु संचालन गरिसकेको छ ।
