सोमबार १३ चैत, २०७९ | Monday Mar 27, 2023
काठमाडौं । विशेष अदालतले बिहीबार अख्तियार दुरुपयोग अनुसन्धान आयोगका पूर्वआयुक्त राजनारायण पाठक र नेपाल इन्जिनियरिङ कलेजका तत्कालिन अध्यक्ष लम्बोदर न्यौपानेलाई तीन वर्ष कैदको फैसला गरेको छ ।
कलेजको सम्बन्धन विवादमा पाठकले न्यौपानेसँग ७८ लाख रुपियाँ घुस मागेको अडियो सार्वजनिक भएपछि यस प्रकरणको छानविन अघि बढेको थियो । अडियो बाहिर आएपछि पाठकले आयुक्तबाट राजीनामा दिएका थिए ।
विशेष अदालतका अध्यक्ष श्रीकान्त पौडेल र सदस्यहरु यमुना भट्टराई र बलभद्र बास्तोलाको इजलासले पाठक र न्यौपानेलाई ३–३ वर्ष कैद र ३९–३९ लाख रुपियाँ जरिवानाको फैसला गरेको हो । न्यौपानेको भन्दा पाठकको कैद सजाय तीन महिना बढी छ ।
