शुक्रबार १४ बैशाख, २०८१ | Friday Apr 26, 2024
काठमाडौं । राष्ट्रिय ध्वजावाहक नेपाल वायुसेवा निगमले कर्मचारी सञ्चय कोषलाई ३३ करोड नौ लाख ५५ हजार २८१ रुपियाँ ऋणको किस्ता बुझाएको छ । निगमले पुस २९ गते यो रकम कोषलाई बुझाएको हो ।
कोषबाट जहाज खरिदका निम्ति ऋण लिएकोमा न्यारोवडी जहाज खरिदको सावाँ र ब्याज वापतको रकम भुक्तानी गरिएको जनाइएको छ । निगमभित्रको बेथिति र राम्रो व्यवसायिक योजनाको अभावका कारण राम्रो व्यवसाय गर्न नसक्दा उसले जहाज खरीदको ऋण तिर्न ढिलाई हुँदै आएको छ ।
सक्षम र व्यवसायिक नेतृत्व नहुँदा पछिल्लो समय निगमको अवस्था झन कमजोर हुँदै आएको छ ।
