काठमाडौं । नेपाल स्टक एक्सचेञ्ज लिमिटेड (नेप्से) मा एक बीमा कम्पनीको नाममा ४ करोड ५४ लाख ५५ हजार ७ सय २१ कित्ता शेयर सूचीकृत भएको छ ।
साविकको सूर्या लाइफ र ज्योति लाइफ एक आपसमा १ः०.८२४५ को अनुपातमा गाभिंदा कायम हुन लाएको चुक्ता मूल्य रु. १०० भएको उक्त शेयर सूर्यज्योति लाइफ इन्स्योरेन्स कम्पनी लिमिटेडको नाममा सूचीकृत भएको हो ।
शेयर सूचीकरणसँगै आजको निर्णय अनुसार उक्त कम्पनीको शेयर कारोबार फुकुवा गरिएको नेप्सेले जनाएको छ ।
कारोबार फुकुवासँगै भोलिबाट शेयर कारोबार शुरु हुने भएको हो । कारोबारका लागि प्रतिशेयर रु. ३७१.५९ ओपन रेञ्ज निर्धारण गरिएको नेप्सेले जनाएको छ ।