शनिबार ८ बैशाख, २०८१ | Saturday Apr 20, 2024
काठमाडौं । ग्लोबल आइएमई बैंकले माघ २९ गतेदेखि ५ अर्ब रुपियाँ बराबरको ऋणपत्र निष्काशन गर्ने भएको छ ।
बैंकले ५ वर्ष अवधिको ११.२५ प्रतिशत ब्याजदर भएको ‘ग्लोबल आइएमई बैंक डिबेन्चर २०८४/८५’ जारी गर्न लागेको हो ।
ऋणपत्रमा छिटोमा फागुन ३ गतेसम्म र ढिलोमा फागुन १४ गतेसम्म आवेदन दिन पाइने छ ।
बैंकले प्रतिइकाई १ हजार रुपियाँ दरमा ५० लाख इकाई ऋणपत्र जारी गर्न लागेको हो । यसमध्ये ३० लाख इकाई बैंकले आफ्नै पहलमा अन्य संघसंस्थालाई बिक्री गर्नेछ । सामुहिक लगानी कोषलाई १ लाख इकाई ऋणपत्र छुट्याएको थियो । जसमा ७० हजार इकाई लागि मात्रै आवेदन परेको थियो ।
बाँकी ३० हजार इकाईसहित १९ लाख ३० हजार इकाई सर्वसाधारणका लागि खुला गर्न लागिएको बिक्री प्रबन्धकको काम सनराइज क्यापिटलले जनाएको छ ।
ऋणपत्रका लागि न्यूनतम २५ इकाईदेखि अधिकतम १० लाख इकाईसम्म आवेदन दिन सकिनेछ ।
