काठमाडौं । शुभम पावर लिमिटेडले माघ १८ गते बुधबारदेखि निष्काशन गरेको साधारण शेयर (आईपीओ) भर्ने आज २२ गते आइततबार अन्तिम दिन हो ।
इच्छुक लगानीकर्ताहरुले आज कार्यालय समयभित्र आईपीओ भर्न सक्ने बिक्री प्रबन्धक मुक्तिनाथ क्यापिटलले जनाएको छ ।
कम्पनीले सामुहिक लगानी कोषहरुलाई २९ हजार ३० कित्ता, कर्मचारीलाई ११ हजार ६ सय १० कित्ता छुट्याएर बाँकी रहेको ४ लाख ८१ हजार ८ सय ८२ कित्ता आईपीओ सर्बसाधारणका लागि बिक्री गरेको हो ।
सर्वसाधारणलाई छुट्याइएको आईपीओ ४८ हजार १ सय ८६ जनाले १०-१० कित्ता र २ जना ११-११ कित्ताका दरले पाउने छन् । आईपीओ भर्नेको संख्या १२–१५ लाख हुने भएकोले १० कित्ताका लागि मात्रै आवेदन दिनु उपयुक्त देखिन्छ ।
कम्पनीले यसअघि स्थानीय र विदेशमा रहेका नेपाली श्रमिकलाई आईपीओ बिक्री गरिसकेको छ ।
उक्त कम्पनीले संखुवासभामा ९९० किलोवाटको तल्लो पिलुवा खोला जलविद्युत आयोजना निर्माण गरी २०६८ साउन १ गतेबाट विद्युत उत्पादन गरिरहेको जनाएको छ ।