शुक्रबार ७ बैशाख, २०८१ | Friday Apr 19, 2024
काठमाडौं। आन्तरिक राजस्व विभागले अग्रिम आयकरको ७० प्रतिशत रकम तिर्न भनेको छ। समयमै कर दाखिला गरी जरिवानाबाट बच्न करदातालाई सुझाएको हो ।
चैत महिना कर कानुन अनुसार अग्रिम करको दोस्रो किस्ता दाखिला गर्ने महिना हो । यो महिना करदाताले आफ्नो कुल नाफाको ३० प्रतिशत कर तिर्नु पर्नेछ । पहिलो किस्ता वापतको पुस महिनामा ४० प्रतिशत रकम करदाताले तिरिसकेका छन् । अब दोस्रो किस्ता वापतको ७० प्रतिशत कर दाखिला गर्नुपर्नेछ ।
चैत मसान्तसम्ममा कर दाखिला गरी जरिवानाबाट बच्न करदातालाई विभागले आग्रह गरेको छ । यदी तोकिएको अवधिमा कर दाखिला नगरे करदाताले १५ प्रतिशत चक्रिय ब्याज तिर्नुपर्ने हुन्छ ।
उदाहरणका लागि यदि कुनै ‘ए’ भन्ने कम्पनीको वार्षिक आयकर १ लाख तिर्नुपर्ने छ भने उसले पुस महिनामा ४० प्रतिशत अर्थात ४० हजार रकम तिर्नुपर्ने हुन्छ । यस्तै चैत महिनामा ३० प्रतिशत अर्थात ३० हजार रुपैंया तिर्नुपर्ने हुन्छ । दुबै किस्ता गरी कुल ७० हजार कर कम्पनीले तिर्नुपर्ने हुन्छ ।
यदि वार्षिक सात हजार ५ सय कर तिर्ने करदाता छन् भने उसले यो किस्ता दाखिला नगर्दा पनि हुन्छ ।
