बिहीबार ६ बैशाख, २०८१ | Thursday Apr 18, 2024
काठमाडौं । नेपाल स्टक एक्सचेञ्ज लिमिटेड (नेप्से) मा ६७ लाख ६२ हजार ९ सय ५७.२४ कित्ता बोनस शेयर सूचीकृत भएको छ ।
दुई लघुवित्त, एक बीमा र एक हाइड्रो कम्पनीको बोनस शेयर आज सूचीकृत भएको नेप्सेले जनाएको छ ।
यसैक्रममा नेको इन्स्योरेन्स कम्पनीले शेयरधनीहरुलाई प्रदान गरेको १५ प्रतिशत बोनस बापतको २६ लाख २४ हजार ८ सय १८.२० कित्ता शेयर सूचीकृत भएको छ ।
त्यसैगरी अपि पावर कम्पनीले शेयरधनीहरुलाई प्रदान गरेको ७.५ प्रतिशत बोनस बापतको २८ लाख ८३ हजार ६ सय ८६ कित्ता शेयर आजै सूचीकृत भएको हो ।
यता, आरएसडीसी लघुवित्तले शेयरधनीहरुलाई प्रदान गरेको ८ प्रतिशत बोनस बापतको ६ लाख ४४ हजार १ सय २४.५९ कित्ता शेयर सूचीकृत भएको छ ।
यसैबीच साधना लघुवित्तले शेयरधनीहरुलाई प्रदान गरेको १९ प्रतिशत बोनस बापतको ६ लाख १० हजार ३ सय २८.४५ कित्ता शेयर आजै सूचीकृत भएको नेप्सेले जनाएको छ ।
