काठमाडौं । नेपाल स्टक एक्सचेञ्ज लिमिटेड (नेप्से) मा ५९ लाख १८ हजार २० कित्ता बोनस शेयर सूचीकृत भएको छ ।
एक लघुवित्त र एक हाइड्रो पावर कम्पनीको उक्त बोनस शेयर आज सूचीकृत भएको नेप्सेले जनाएको छ ।
यसैक्रममा छिमेक लघुवित्त वित्तीय संस्थाले शेयरधनीहरुलाई प्रदान गरेको २२ प्रतिशत बोनस बापतको ५१ लाख १३ हजार २० कित्ता शेयर सूचीकृत भएको हो ।
त्यसैगरी यूनाइटेड मोदी हाइड्रोपावर लिमिटेडले शेयरधनीहरुलाई प्रदान गरेको ८ लाख ५ हजार कित्ता शेयर पनि आजै सूचीकृत भएको नेप्सेले जनाएको छ ।